Fokusområde
Velkommen alle damer i Ålesund golfklubb.
Vi i damekomitéen har som mål å sjå alle damespelarane i klubben vår, og det kan vere ei utfordring å tilrettelegge aktivitet for alle nivå. Vi har også denne sesongen valgt å ha fleire Scramble-turneringar, i håp om å få med fleire nye spelarar. Vi skal også legge opp til eit program som motiverar og inspirerar våre etablerte spelarar, ved at vi kvar individuell runde har fokus på både netto- og bruttoresultat. Vi håper og trur at vi har fått til eit program som kan fenge alle.
Rekruttering
Vi fortset det viktige arbeidet med å rekruttere damer til Damegruppa, og kontakter nye golfarar og informerer og inviterer til spel ilag med oss. «Lave skuldre»-turneringane vil vere midt i blinken for nykomarar, men alle er sjølvsagt velkomne til å delta alle onsdagar.
Chrisco-turneringane
fortset også denne sesongen. Namnet kjem av at vi får sponsa ein golfbag frå Chrisco golf via Sport 1 Spjelkavik. Stor takk til Sport 1 v/Anne Nikoline Furmyr som gjer dette mogleg for oss. Tre beste Chrisco-rundar av 7 rundar vil danne grunnlag for å verte eigar av ein heilt ny golfbag.
Eclectic:
I løpet av heile sesongen set vi saman ein optimalrunde. Det beste resultatet på kvart enkelt hol er tellande. Chriscorundane vil danne grunnlag, samt fire rundar på back. Vi kårar netto- og bruttovinnar etter endt sesong. Informasjon vert gitt etterkvart.
Golftur med Damegruppa
Eige skriv blir sendt ut. Håper du blir med!